Sipas një studimi të kryer nga Universiteti i Harvardit, konsumimi vetëm i gjysmë luge gjelle vaj ulliri në ditë, zvogëlon rrezikun e sëmundjeve të zemrës për 21 përqind.

Sondazhi që hulumtoi rreth 100 mijë qytetarë amerikanë, për një periudhë 24-vjeçare, ka gjetur se vaji i ullirit është jashtëzakonisht i dobishëm për shëndetin e zemrës, transmeton portal arbresh.info

Shumica e tyre e konsiderojnë vajin e ullirit, veçanërisht vajin e virgjër, shumë të dobishëm, sepse përmban acid oleik, acid yndyror të pangopur, i cili është më i zakonshmi në këtë lloj vaji, dhe ka efektin e zvogëlimit të inflamacionit.

Sëmundjet e zemrës marrin jetën e rreth 170 mijë njerëzve në vit dhe rreth 460 njerëzve në ditë.

LEXO EDHE: Si ndikojnë 7 orë gjumë tek shëndeti i zemrës

Studimet e hershme kanë sugjeruar një lidhje midis shëndetit më të mirë kardiovaskular dhe konsumit më të lartë të vajit të ullirit, veçanërisht në vendet mesdhetare, ku marrja e tij është shumë më e lartë sesa në Shtetet e Bashkuara,” tha Dr. Marta Guas Fere, autori i studimit. “Qëllimi ynë ishte të hetonim nëse konsumi më i lartë i vajit të ullirit është i dobishëm për shëndetin e zemrës në popullsinë amerikane”.

Ekspertët kanë zbuluar se njerëzit që konsumojnë më shumë se gjysmë luge gjelle vaj ulliri në ditë, kanë një rrezik më të vogël të preken nga sëmundjet kardiovaskulare.

Shkencëtarët e Harvardit zbuluan gjithashtu se zëvendësimi i një lugë çaji gjalpi, margarina, majoneza ose yndyra e qumështit me të njëjtën sasi vaj ulliri përmirësuan shëndetin e zemrës së subjekteve, dhe në atë rast rreziku i zhvillimit të sëmundjeve kardiovaskulare u zvogëlua me rreth pesë përqind dhe koronare sëmundje me shtatë përqind.

Në çdo rast, do të ishte mirë të zëvendësoni yndyrnat e ngopura të kafshëve në dietë me yndyrna të pangopura nga vajrat bimore./arbresh.info/